29.12.03

26.12.03

"There`s no place like home!" seier eg og klikkar hælane saman tre gonger, nett som i filmen. Eg ynskjer meg slike rubinsko!

No har det vore fest, nett som før, nett same folk, det var kjekt! Omlag femten gongar har nokon sagt "har du bleika håret?" eller "du var blitt lys!" og omlag like monge gonga har e sagt "ja, heh" eller liknande. Kva skal ein svara?

I morgon er det julafrukost hjå Ber og Pirgit, og eg klare ikkje skriva rett ein gång.

Snakkas!

PS Eg snakka med Jardar på tlefonen i dag, eg måtte forklara han ein ting og to om kjemisk og frisør, slik at han ikkje skal oppelva håret mitt som forvirrande meir. Han har ein gamal ven som er frå Fusa, det måtte sjølvsagt snakkast om.

25.12.03

Tre nøtter til askepott fekk eg av John-Oh og Olege. Tre hasselnøtter i plastpose.

Det regna absolutt uvanleg mykje då me drog heim frå byn i dag.

Eg har berre fått bra presangar, ikkje ein einaste stygg kopp eller pynteting ikkje eingong eit bilete i ramme som eg ikkje får plassert nokon stad.
Berre nyttige ting.
Einast lysestake har eg fått, det er ein TING, men det er greit for den kan brukast.

Nattis, bomull, ikkje dårleg syntèt. Cd, fin. Brevpapir, pledd, ulltrøye, stilongs, bøker.
Og symaskin!

Eg strikkar eit sjal, me såg Trollmannen frå Oz i dag, det er fint med familiebesøk.


Hjarteleg god jul til alle.

6.12.03

Eg fniser jo då, ganske mykje, når eg går gjennom eksamenslokalet med eitt - 1- ark i omslagsarket, og det arket berre har ei fin teikning på seg. Fin, ja , men likevel: ei TEIKNING.

Men eg er ikkje trist, ikkje sint, ikkje oppgjeven, ikkje demotivert - eg fniser.


Knis.
Knis.


UND SONST: Linjeforeninga har fått HEIMESIDE. Om ikkje DEN er ei estetisk oppleving og lesefryd, so veit ikkje eg.

2.12.03

SKEPP O` HOI!!

Eg skriv ikkje so mykje. Jo, det gjer eg, men ikkje her, på bloggen min, her eg har hjartet i handa og håve i fatle. Knis.
Ikkje hadde eg tenkt å skrive noko her i dag heller, men eg har fått eit elektrobrev som gjorde meg so glad so glad, for det syner seg at venninner i England, slike vekkreiste venninner du veit, driv å les her i blant OG DÅ MÅ DEI JO FÅ NOKO Å LESA! Ja, alle de andre og då, sjølvsagt.

Det som skjer i livet mitt for tida foregår for det meste på tysk, og heiter eksamen. I går, grammatikk. I morgon, Litteratur. Laurdag, Landeskunde. Ich habe Angst. Grammatikken skal nok stå til ein D eller kanskje mindre. Det er ikkje nok å skriva mykje svada om kor nyttig og flott konjunktiv er, når ein ikkje kan gjera greie for ein einaste hovudregel. Å prate seg vekk frå ting kan hjelpe i blant, men på grammatikkeksamen? Neppe.

Mange går ofte ut frå eksamen med ei kjensle av å ha stroke, utan å ha gjort det. Men denne kjensla eg har er ikkje noko kjensle, det er kunnskap. Kunnskap om kva eg burde ha kunnskap om som eg ikkje har kunnskap om. Eller iallefall ikkje hadde kunnskap om mellom 9 og 14:30 i går.

Eg får vona og kryssa fingrar (og det får DE OG!) om at kunnskapen som vert venta av meg mellom 9 og 15 i morgon tilsvarer den eg har i håve. Jepp.

PS. Henki Kolstad er superfin.

19.11.03

Det vert seld øl i kantina. Eg skulle nett innom kantina for å prate med Mari i bætkjelorklassa i pausen, eg var nemleg i full gong med adjektivdeklination. Brått sat eg der med ei øl, og det har gått to timar sidan eg tok pause, og eg kan jo ikkje stave schwach likevel (det vil seie, NO kan eg, men ikkje før i dag). No kan det vere det same med adjektiva, eg har fått 93 DJØNKMEIL, på Nina-Hagen-fan-mail-list får eg e-brev som heiter "PLEASE pray for me and my babycat!", noko som minner sopass mykje om djønk at eg nok skal melde meg av heile nina-lista.

No har eg ikkje drukke sidan linjeforeningsjulebordet førre tysdag, og det skulle ikkje meir enn to små Dahls til. Eg klarer ikkje stava. Knis.

Det går ein superkjekk gut i bætkjelorklassa.

17.11.03

Nina Hagen
Endre og eg var på kafe i går, ein herleg aktivitet når ein har gløymd alt anna ein skulle. Dromedar på Bakklandet er ein deilig stad, roleg og stille på ein fin måte, sjølv om det er fullt og musikk står på. Ein kan prate om ingenting, eller om djupe ting. Som:

"Dersom blod var oransje, ville oransje hatt same status som raud har i dag?"

Ja, det ville det nok. Heldigvis at blod er raudt.
eating people
DU ETE FOLK!!!!

Kva er DIN djupaste løyndom?
Det varQuizilla som fann det opp.

14.11.03

Ein gong møtte eg ei jente. Dette var på ungdomsskulen, so bli-kjend-samtalen gjekk omlag slik:
"Ka lika du å gjera på?"
"Møje forskjelli"
"Lika du å gå på diskotek?"
"Nei, men eg strikke møje!"


Dette siste var sjølvsagt eit festleg (=latterleg) kånete svar då eg var 15. Men om nokon spør meg i dag "du blogge ikkje særleg mykje for tida, Mari?", so svare eg "Nei, men eg strikke mykje."

For det gjer eg, nemleg.

6.11.03

EG er

sexy og noko svolten på menn,
ingen tvil på at eg kunne tatovera S for Slut i panna, men bak all
denne lovande flørting er eg ein proff snikmordar.
Og so har eg ei syster.

take Kven er DU i Tekken? test!

29.10.03

Med handa på hjartet: Varm mjølk med honning og kvitlauk er kanskje det aller verste eg har drukke. Men kva skal ein gjere då, når eg pustar som darth vader, og kvart sukk er ei pinsle. Og dette i den mest fantastisk innhaldsrike veka på lenge! Sjå berre: I går, BOKBADET, i dag, Turboneger, i morgon reiser eg til oslo, på fredag, Blondiekonsert, laurdag, fest på samfundet for alle teaterforestillingane....AKKOVEOGSTØNN!

14.10.03

6.10.03

Ein detalj: NEI, DET ER IKKJE GREIT MED JULESTÆSJ I BUTIKKANE I OKTOBER. DET ER FAEN SÅ LITE GREIT, FAKTISK!
Når ein har fått seg ein UKAjobb, vil nødvendigvis mykje tid gå med på Samfundet. Det er stort sett der eg er. Og om ikkje søv eg. Eller studerer, det er vel i grunnen difor eg er her i Trondheim. Trur eg.

18.9.03

Slik er det: eg kjenner meg tung og sløv, eg får ingenting gjort. Eg har lyst til å springa langt, helst i ein skog. Eller sykle tusen mil. Men istaden legg eg meg på ein sofa, og det kjennes ganske bra det og (nett i augeblinken), men eg kunne nesten grina når eg tenkjer på all grammatikk eg ikkje kan, eller kor dårlege oppgåvene eg skriv er. Eg veit ikkje om eg ligg so dårleg an som det kjennes ut, men det kjennes ikke bra.

Eg har fått UKAjobb, som av-og påkledar til revyen. I dag har me fordelt skift mellom oss, og eg er godt nøgd med dagane eg skal jobbe. Eg får fri til Turboneger og alle andre dagane eg helst ikkje ville jobbe. Det skal bli bra, bra, bra!

Og den største vona er denne: presset under uka, alle dagane eg kjem til å vere oppteken, vil tvinge meg til å strukturere, eg vil få ting gjort, og intensiv lesing vil vere fruktbar. Det er vona.

12.9.03

Ingen vil avsløre.... Eg ler meg i hel.
Realfagbygget, Gløshaugen, NTNU. Tidlegare kjend som NTH, NorgesTekniskeHøgskule. Der er eg no. Og på tavla står det:

LITTERATUR
LITERATURE
LITERATUR

Dersom nokon er i Trondheim den 25.september klokka 19.00, og dersom denne nokon likar litteratur/literature/literatur, so kom på Posepilten. Dit kjem Frode Grytten for å lese høgt og svare på spørsmål.

Dersom nokon er i Trondheim i kveld, og likar musikk, bzw. elektrodjmusikk, kom til Dali, høyr på DJ FUSA.

9.9.03

Det fyrste målet ved å skriva om syn og segn i førre post, var sjølvsagt å oppmoda alle om å lesa den NYE utgåva av tidsskriftet. Berre framsida er verdt å få med seg: vakker, raud, og med Fusapass. Og inni bladet er bilete frå kruninga av Fusakongen. Det var det alle måtte vite, so vart eg so riven med at posten til slutt handla om noko heilt anna.

I dag har eg lese noko på bt.no. Eg visste ikkje om eg skulle le eller grina. Helst grina. Eg er mest einig med denna anmeldaren. Alle føredomer eg har hatt mot denne boka vart forsterka. Eg trur Mads Larsen er ein dust.

Pappa har dessutan bursdag. Hurra Hurra, gratulera med dagen, kjære far!

7.9.03

OLAUG NILSSEN ER MITT FØREBILETE.


No er eg i Oslo. Eg er her for å få kjærleiken min til nynorsk styrkt. Dersom nokon treng å lese litt om kjærleik til nynorsk, vil eg absolutt råda dykk til å lese Syn og Segn (det fantastiske tidsskriftet. Eg elskar syn og segn. ) I det nest siste nummeret har Olaug Nilssen og Gunhild Øyehagen skrive to artiklar. Dei to artiklane vinn fyrsteprisen av alt eg las i sumar når det gjeld å framkalle ei kjensle av rein glede hos lesaren. Og nynorsktesten siterer eg frå so ofte eg kan, som no, når eg er i horestaden på landsstyremøte i Den Beste Organisasjonen for Det Finaste Målet

16.8.03

Ein kan stadig læra nytt om foreldra sine. Far min, til dømes, fortalde meg i dag at han har hatt ei Goethe-omsetjing på trykk i Vinduet.

(No verkar eposten min og. Det synte seg at webmail vart oppdatert i sommar, so nettlesaren vår var for gamal til å forstå det eller noko slikt. Eg skjøna det ikkje heilt, men lasta ned nokre greier som ser ut som det funka fint. No kan eg lesa epostane mine. Det var godt.)

14.8.03

Det er frustrerande, f r u s t r e r a n d e, FRUSTRERANDE at universitetspostverket ikkje verkar som det skal. Eg har ikkje fått lese elektrobrev på MINST tre dagar.

Det var kaldt, k a l d t, KALDT i kyrkja i dag, det var keisamt, k e i s a m t, KEISAMT i kyrkja i går. Det er fint, f i n t, FINT at eg snart skal til Oslo og vere med gode vener, og det er supert, s u p e r t, SUPERT at eg skal til Trondheim att neste onsdag.

Ser de det, alle kjende i Bartestaden? Eg kjem attende! Opne glasa og rop det ut: HO KJEM! HO KJEM! Syng det ut i den hallande sommaren. Og kjøp øl.

6.8.03

Dersom nokon såg tre jenter danse på ein rar måte på garage i går, medan ingen andre dansa, so var den eine, ho med gummisko som hang fast i golvet på ein seig måte, meg.

Dersom nokon køyrde over Holdhus i dag, og såg ei jente site og sove i ein kyrkjedøropning og sove, so var det meg, det og.

4.8.03

I kveld reiser hobbiten Melilot Brambleburr of Bindbale Wood (eg) og alven Maranwë Silimaurë (eg, det og) til Bergen. Det skal bli bra moro.
Eg gløymde Tom Waits - Rain Dogs. Den må vera med.

3.8.03

Lista til Øyvind, ja. Fem feilfrie album. Album der ein ikkje har lyst å hoppe over ein einaste song.

I`m your man - Leonard Cohen

So storslagent at det må stå litt for seg sjølv. Det finst fleire som oppfyller det førnemnde kriteriet trur eg; Lou Reed - Transformer, Jaga Jazzist - a livingroom hush, Beth Orton - Central Reservation....

Kanskje eg tek feil, kanskje er eg ikkje einig i dette sjølv ein gong. Eg er ikkje sikker.

2.8.03

Jane er så søt og spør i minneboka om korleis sommaren min er, om den er fin.

Eg ser på skjermen. So klør eg meg litt i nakken. So ser eg litt på city of Angels med søstra mi, sjølv om eg ikkje likar den filmen.

So jobbar eg mykje. Og det regner alltid når eg sykler. I mellom, når me har tid eller kjem på det, er eg med vener, slike gode; barndomsvener. Som i går, middagsbesøk m.m. Det var bursdagsfeiring og veldig bra. God mat, godt øl og kjekt, kjekt, kjekt.

Strålande planar for næraste framtid: dra til oslo for eit par dagar, med ei venninne, besøke to andre venninner. Det skal bli deilig venninnete. Og so, brått; Trondheim. Det skal og bli deilig.

Sommaren? Den har vore fin. Den er brått over. Eg jobba mykje.

30.7.03

Ein gong sa ein kompis av meg at han skulle heim og ete litt kjeks, han måtte fylla opp kvoten sin. For det var han blitt fortald, at kvar nordmann et 2,5 kilo kjeks i året. So fniste me alle litt, for det høyrdes mykje ut, og me åt jo ALDRI kjeks, så tenk på all kjeksen dei gamle damene et!

To og eit halvt kilo kjeks spreidd utover eit heilt år? Dersom ein går ut frå at ein kjekspakke veg ca. 250 gram (for det kan eg tenkja meg?), so vert det 10 pakkar kjeks. Ein i månaden. Dersom alle pakkane er Havrekjeks vert det sikkert litt færre (ein pakke Bixit veg 300 gram), men dog.

Eg er glad i kjeks. Det skal ikkje stå på det. Eg likar til og med tantete kjeks, slike mjuke med fyll og sjokoladetrekk, som Jaffacakes. (favoritten har solbærfyll). Mummikjeks likar eg og, på mattetentamen i tiende klasse sette eg klasserekord. 14 mummikjeks i munnen på ein gong. (det var ikkje so mange med å konkurrera, dei fleste rekna faktisk.) Det er litt dumt, det der, at det å vera dårleg i matte er heilt greit og akseptert (kor mange kjenner DU som faktisk kan prosentrekning? Eller deling med store tal? Eller oppsetet for gonging), medan det er dødspinleg å ikkje vite kven Chamberlain var. (Er det pinleg? Det er kanskje pinlegare å ikkje kunne dobbel konsonant.) (so lenge ein ikkje har dysleksi, då er det i orden og.)

No vart alt dette usamanhengande. Eg kan snart ikkje stava sjølv ein gong (og prosentrekning kan eg iallefall ikkje), dessutan er dette (matte, ikkje kjeks) ein problematikk som det er skrive meir spanande enn dette om i siste utgåve av SynogSegn, eit blad som hever dagen og ein kaffikopp mange hakk når det kjem.

Slikja. Nokon et i alle fall veldig mykje kjeks.

28.7.03

I dag, etter 2,5 timar på musikkrommet på ungdomsskulen, kan eg presentera fylgjande lister:

EG KAN:
-montera eit trommesett
-spela ukompliserte rytmar saman med White Stripes
-spela litt meir kompliserte rytmar medan eg nynnar Shonen Knife
-namnet på alle trommene og lokka
-spela supersakte med dobbel basstromme
-høyra på ein cd og kjenna att basstromma og skarptromma

EG KAN IKKJE:
-høyra på ein cd og høyra skilnad på kræsj og raid
-spela fort med dobbel basstromme (utan å doble heihatten og)
-særleg mange gode triks
-spela til shonen knife i deira eige tempo

27.7.03

1. Wenn dein Leben verfilmt würde, wie wäre der Titel dieses Films?
MARI - i DITT hjarte


2. Welche Songs würden auf dem Soundtrack sein?
Motorpsycho kunne lage musikken. Men Miss Universum - Big skulle vere rulletekstmusikk.

3. Würde es ein Film mit richtigen Schauspielern oder ein Zeichentrick sein? Warum?
Ein blanding, Ekte skodespelarar med teiknefilmselement, for det er tøft.

4. Casting: Wer würde dich spielen, deine Familienmitglieder, Freunde usw. ?
Franka Potente skulle spele meg, Wenche Foss ei av bestemødrene mine, Judi Dench den andre. Eg har ei venninne som byrjer på I; Milla Jovovich. Kusina mi; Christina Ricci, venninne R; Elisabeth Matheson. Eg har ein kompis som Harald Eia kunne få vere. Gerhard får IKKJE noko rolle, ikkje Ingemar heller, enno om han er barnebarnet (oldebarnet?) til Geirr Tveitt. Heller ingen liknande glætte amerikanarar. Men Bruce Willis likar eg, han kan få vere med, sjølv om det til no har vore litt lite skyting og vald i livet mitt. Men kven veit, eg er no berre knapt einogtjue, det kan dukke opp mange skyte/slosse-episodar framleis.

Fredagsfire på ein sundag

22.7.03

On a long deserted wood road: eine weiss und rote Campingwagen. Oui, oui, sacre bleu! SACRE BLØ! BLØ! BLØ! Soaking, Nass, Gjennomvåt, GJØNOBLAUT, av å sykla heim, blinda av sprut. Familie drog avstad med alle regnbuksene. Regnet og tordna jagar alle turistar vekk frå allfarveg KOR ER ALLE TURISTANE? OG REGNJAKKENE? Brent suppe stinkar, sjokolade og yoghurt er ingen god investering for resten av dagen. ACH! SO ist das Leben, eg sovnar motlaus, rastlaus og passiv i mamma si seng. Ich wusste nicht dass ich auch heute Nachtsdienst habe. Fickgeilundscheisse.

Dagen blir ikkje betre når eg brått surfar inn i dette gresselege vesle rimet her, eit rim eg trudde eg hadde gløymd for evig og alltid (og det hadde nok vore best):"If you where a tear in my eye, I would'nt have cried, in fear of loosing you.." - Det tykkjest meg at dette er ikkje noko dikt ein skriv i blågen sin. Eg er ikkje so glad i å henga ut folk. Dersom ein er glad i poesi er dette plassen å gå. Hrmf. Gmfr.


21.7.03

ALeine heime, foreldre + kleinschwester er på fjellet og bygger terasse på hytte, og bror er in the army now, åoå hes in the army. Eg skal spele lufttrommer og danse vilt til "I just dont know what to do with myself" (white stripes) i stova. Musikken høgt på. Snart skal eg på nattevakt, men fyrst må eg rocke litt med alle vindauge opne. LUFT! ROCK! Kiss me kiss me kiss me!
I anfall av keisemd - eg skulle ha spelt trommer no, men han eg skal låna nøkkel av tek ikkje telefonen - stirer eg tomt på dataskjermen og skriv inn tøffe ord i adressefeltet til verdsveven. Beinhard.

Oftare og oftare finn eg meg sjølv i ein irriterande tilstand der eg mest av alt skulle ynskje det satt ein kul, morosam, tøff, kanskje litt hårete, eller kanskje ikkje, mann i stova som eg kunne ta med meg når eg skal legga meg. DET HADDE GJORT SEG. Eg ynskjer meg ein slik til gebursdagen. Det er forresten på fredag.

Det har tordna i dag. Eg likar betre sola som er no. Redd i torden? Nei, men eg er alltid glad når elektriske apparat ikkje eksploderer, det hadde vore so bale når eg er aleine heime.

12.7.03

Trøytt, trøytt, strømpetrøytt. I dag har eg hjulpe kongen med å representera, han opna småbåthamna på Baldersheim. Dessutan har hjarta hoppa litt i brystet på meg i dag, eg las i BT. Hilde Sandvik, flinkåskriva, hadde skrive ein artig liten sak om å flytta. Eg visste ikkje at det fantes fleire som sparer på ei avis som handlar om heile forløpet til krigen i Bosnia.

Strømpetrøytt. Går-i-seng.



9.7.03

Nei, søt er ikkje særleg bra. Babyar, kattungar og ekle rosa animasjonar som dansar er søte. På barneskulen kunne gutar vere søte, eller skjønne, for det var dei einaste dekkjande alternativa (kjekk, pen og vakker var utelukka, deilige vart dei ikkje før på ungdomsskulen)(og akkurat det er jo verdt ein diskusjon. Er fjorten år gamle, kvisete gutar søte? Neppe).

8.7.03

No har eg fiksa litt i lenkene. Det kan skodast litt til venstre, Maria og heimstaden er komen med, Janey er oppdatert.

7.7.03

Livet i stikkord & lenker:
Pappa.Mamma. Nyasommarjobben.Gamlasommarjobben.Barneskulen.Ungdomsskulen.

Kanskje dette er freistande?

Harde stolar.Klorlukt og forsiktig badedraktsflørting.Dårlege uniform og marsjeringsminner.Slikt dreiv eg aldri med!

Lenge leve Fusa Kommune!
Eg har ingen medynk med unge menn som føler dei må barbere pungen for å få seg noko. Kanskje skal eg skriva meir om kor lite synd det er på desse mennene som slit på sjekkemarknaden i morgon, no er eg for trøytt og uinspirert.

Det er noko med denne sola. Den drep det meste av datalyst!

Den siste veka har eg jobba kvar dag. Det er OK, men no er eg litt lei. Eg vil HIT, til besto og besten!

26.6.03

Og, JA! Eg har bestilt billettar til BLONDIE, Rockefeller, oktober. Eg og Raggy. Ja!
JA! Det er kjekt å få att pengar på skatten!
Eg kjem ikkje til å skrive i helga. Eg kjem til å vere oppteken av å jobbe, og i mellom jobbinga skal eg ha besøk. Av Trondheimsvenn, av gamal vgs-venninne og slikt. Veslebror og eg er aleine heime, det er ganske fing og hyggeleg. Eg har ikkje sertifikatet, men han har, so han køyrer meg dit eg vil. Me rotar. Me drikk øl, og lagar oss makaroni. Og ser film. Men no ser han "Full House".

I dag var eg i den gamle barnehagen min. Den har krympa.

God helg!

22.6.03

Journalistar burde få bank når dei skriv artiklar om Store Hendingar i Små Kommunar og ikkje får med seg viktige detaljar. Visekongen i Fusa heiter Morten Holmefjord. Han heiter ikkje Magne!

Eg er matt etter den store dagen, og nattevakt på jobb. Inntrykka trenger på og gjer det vanskeleg å sortere alle kjenslene av identitet og tilhøyrsle. Ei knugande kjensle av influensa eller liknande styggedom gjer det vanskeleg å skrive noko om opplevinga frå i går. Men det kan eg fortelje dykk - ikkje stol på BT-journalisten, han har visst ikkje skjøna nokon ting! (Les heller her)



Gårsdagen var ein fest i regn og myr. Bunadsskoa vart våte og kalde, men ingenting er som ein vadmelsstakk når det bles og regnar kring leggene. Leve Visekongen.

17.6.03

Eg ler meg i hel!
"mellom potane på den ilske løva har nokon ofra ein fisk"

Slik står det skrive i ei lita notatblokk eg har liggande i veska. Der ligg den, i høve eg skulle få ein akutt trong til å formulera noko, ytra noko, skriva noko ned. Som sundag morgon i sju-tida, då eg går frå nachspiel for å legga meg hos dei eg skulle sova hos. Der var døra stengt. Eg hadde valet mellom å sove i hagen, på trappa deira, på trappa til Trond-Viggo (som bur tvers over gata for venene mine), eller å krype med halen mellom beina attende til nachspielet - noko eg sjølvsagt gjorde. Bergen er kald i sju-tida. Vel attende mellom menneske eg nesten ikkje kjenner sovnar eg på ein stygg grøn fløyelssofa, vaknar då mannen som fekk meg med dit skal gå. Eg må gje han som bur der nattefred, derfor må eg bli med.

Me går gjennom byen. Det er sol-som-står-opp, det er ganske fint. Me går på Hotel Terminus og et frukost. Etterpå har klokka blitt nok til at eg kan vekke dei eg skal sove hos. Eg får ei seng, eg får sove.

Og kor kjem fisken inn? Utanfor Naturvitskapleg Museum i Bergen ligg ei steinløve. Sundag morgon låg det ein tidlegare høgst levande, no høgst sløyd & daud fisk mellom potane. Eg hadde eingongskamera i veska, eg tok bilete av fisken.

(No når eg skriv det kjem eg på noko anna eg og tok bileta av, men det var før laurdagen var blitt sundag. Eg har lært kva snegle heiter på latin! Gastropode. Me drakk i ein hage før Garage på laurdag, og der nokon velta ein ølboks på hellene kom det 6 sneglar fossande i ein vill sneglefart til øldammen. Biologistudenten som var til stades kunne læra oss det latinske namnet. Øl var godt, dagen var fin, eg tok 4 bilete av utviklinga av gastropodefesten. Eg lover dykk, det var spanande!)

12.6.03

æøå
Eg har ei tid tenkt å fylle ut denne posten til Sjur med eit stykk sms eg har liggande på telefonen. Tidspunktet er 00:33, og det står skrive: "For øyblikket sitter jeg og snøvler på Parage. Alene. Kom hit!" So kom eg til Garage, etter bursdagsvorspiel med vener som heller ville sjekke ut Metro fyrst (Halllo!). Og i garasjekjellaren sat Den Store Mann og drakk øl med seg sjølv. Me prata, me velta glas og det var kjekt å treffa gamle kjende att.

Til helga vert det Garage igjen. Laurdag, nokre kompisar skal vere oppvarming. Lady Lala er namnet, eg ser dykk der.

11.6.03

JEHELLANDEMANN! Ikkje berre har eg blitt hakka, men blogger er dust og let meg ikkje lenger skriva norske bokstaver, sist i alfabetet, til venstre paa tastaturet. Eg s?ker profesjonell hjelp!
Djises! Eg har ikkje vore p? denna bl?garen sidan det s?g ut som f?r. Og no er alt nytt, og difor kan eg ikkje laga den nye linken til Janey sin nye heim. Sorry Mac!
Dessutan har det dukka opp nokre jenter p? www.skoddeheimen.no. Dei heiter tilogmed Nilssen, og eg lurer meg gr?n p? om dei er i slekt med Olaug, eller om dei har lese boka. Og i so fall - lika dei den?

Livet i Eikelandsosen er som alltid f?r. Med eitt unntak: "Buo", eller "Tobbens kro" om du vil, har igjen endra eigar, namn, og denne gongen og konsept. Oi, so stolt eg kan skrive: Eikelandsosen har f?tt pub; "Sj?huset". Der skal det verta saker! ?l skal visst heller ikkje vera avskrekkjande dyrt, etter ordet ?t dei som allereie har vore der. Vidare utdjuping n?r fyrstehandskjennskap til nyapuben kjem meg til hende.
Eg har hacka bloggen til Mari! Eg er ein l33t haX0r!

25.5.03

Matrix Reloaded. Kva kan eg sei. Visst er kappa til ´Kiano töff naar den blafrar i vinden, visst er det vittig med tusen Smiths som ströymer paa (men dei kan aldri ta Neo, nei), og visst er det knalltöft med trailarar som mötes i stor fart. Men dog. Filmen pröver aa syne at menneska kan ha det ganske fett sjölv om dei er i pine og plage. Dei kan til dömes lage ein knallfest, eller dei kan pule. Problemet er at under sexscenene, kjärleikscenene, scenene der djupe samtalar skal leie fram til ei djupare visse om korleis det heng saman, er saa inderleg keisame, og dialogen er saa inderleg kjip at eg sit og ventar paa meir slossing.

Paa kino i Tyskland maa ein dessutan lide seg gjennom ein halvtime med reklame - og det er stort sett alkohol og röyk-reklamar. Det fins ein rusbrus som det vert reklamert heftig for (eg gidd ikkje skrive namnet, for eg aktar ikkje aa faa treff i sökemotorar paa grunn av ein rusbrus). Reklamen er nesten pornografisk, slanke, heite menneske som dansar, spruter vatn paa kvarandre i eit mörkt lokale. Skuggar, heite blikk, sensuelle laar, vaate trange tröyer... Og den store festen i Matrix ser akkurat ut som denne reklamen. Jävla Cave Rave!

22.5.03

Det er dessutan mykje penare menn i Berlin enn nokon annan tysk by eg har vore i.

Sjölv om dei sikkert er homo allesaman.
Sjur har tydelegvis lärt mykje av tysk porno. Eg har ikkje lärt noko särleg, for eg har ikkje sett noko tysk porno. Rettnok har eg gaatt forbi mange Beate Uhsebutikkar, men eg gidd ikkje gaa inn, det er meir og ta seg til i Berlin. Det er göy i Berlin.

Dersom nokon faar valet mellom Kiel og Berlin er dei kjemperare om dei vel Kiel.

19.5.03

Grönt öl: lyst kveiteöl fraa Berlin, tilsett sirup med farge og smak. Daarleg.
Rosa öl: Same, med bringebärsirup. Det smakte eg ikkje paa. Rosa er fin farge, men nokre ting skal helst väre brune. I alle fall öl. Det beste eg har smakt her nede er dunkelt.

Det er stadig program, stadig lekser, stadig ei kneipe aa besöke, stadig stadig stadig noko som skjer, kvar kveld fell eg ned i den harde ekle senga og sovnar. Kvar kveld glöymer eg aa trekke for gardinene, og sola staar midt i glaset og er ei pine klokka halv sju neste morgon. Eg har faatt meg nokre vener, men dei er ikkje tyske.

Eg har lärt eit banneuttrykk som visstnok skulle stamme fraa nokre uteliggjarar i Köln. Dobbeltsjekking med tyskarar skulle tyde paa at ein kanskje vert oppfatta som litt merkeleg om ein skulle bruke det, men det er eit bra uttrykk. Värsaagod:

Fick, geil und Scheiße.

7.5.03

Ich bin in Deutschland, es macht SPAß!

Eg har ikkje mykje tid, men kjem straks attende med utfyllande informasjon.

30.4.03

12 Kule låter, tilfeldig rekkefylgje, eg likar dei fordi:

1.Shonen Knife - Singapore
-Veldig bra intonasjon, god rytme i teksten. God engelsk. Avansert teknikk. I det heile!

2.Nina Hagen - Superboy
-"Es ist ein (hoi,hoi) Superbooooy, er macht dich (hoi, hoi, hoi) GLÜCKLICH"

3.David Bowie - Aladdin Sane
-Kva liker eg eigentleg best med denne plata - coveret eller låtene?

4.Blondie - Attack of the Giant Ants
-Eg elskar linjene som går: La la lalala, la la lalala, la la lalala!

5.Nick Cave - Do you love me?
-Herlig pompøs.

6.Johnny Cash - One
-Fyrste gong eg høyrde denne grein eg faktisk.

7.Nina Hagen - Dread love
-Nina, Nina, tam Kartina

8.Blondie - Platinum Blonde
-ROCK!

9.Leonard Cohen - First we take Manhattan
-Koringa på denne må vere den beste koringa eg kan tenkja meg. Nokon betre?

10.Nina Simone - My baby just cares for me
-Enno ei superNina, og denne er nett avspasert.

11.Radka Toneff - The moon is a harsh mistress
-Kanskje den beste norske syngedama som har levd?

12. Marianne Faithful - Sweetheart
- Ikkje lett å plukka ut ein Marianne F-song. Valet fall på denne, for det er den kulaste discolåta eg veit.
To ting:

1 Lenge har eg ikkje skjøna kvifor eg får mange treff på ordet "muliebrity" eller noko slikt, men no syner det seg at Jørgen linkar til meg under det ordet! Men kva i alledagar tyder det? (svaret finn du her)

2 Til venstre i skjermbildet du ser på no har eg lenkene mine i alfabetisk rekkefylgje. Det kan hende ingen har tenkt på det før, eg har iallefall ikkje merka noko, men Rockette er hamna på ein rimmeleg dysklektisk stad i den alfabetiske lista.

28.4.03

Kva ville DU gjort, dersom du hadde ei helg i Berlin til fri disposisjon? Nærare bestemt helga 22.-25. mai. Send meg gjerne eit tips eller to!

Frå sundag av skal eg vere fire veker i Kiel, Tyskland på studietur. Dette skal studerast: ferje til Tyskland, munnleg tysk, tysk grammatikk, tysk litteratur, tysk kultur, tysk universitet, tyskstudentar frå Bergen og Tromsø, og sju andre frå klassen min, tyske studentar, tysk øl. Eg gler meg.
No har rocky og eg laga Modul 2-tevling. Eg må ta meg samen, lesa godt, skriva godt og vera ein djevel på korrekte kjeldereferansar. Dette trass i at sola og hagen er tusen gonger meir freistande. Det er ein draum å koma heim att, eg har vore ei helg i Bergen og det var strålande. I smalltalk-modus vandra eg sentrum, drakk kaffe med Sjur og traff kjende. På laurdag kom regn, men det var berre friskt og deilig. Tilfeldigvis hadde Jan Eggum utekonsert på torgallmenningen då eg kom ned til byn, so eg stod i paraplyskogen og åt skillingsbolle og var veldig nøgd med alt.

18.4.03

Nei veit du kva. Eg vil ikkje vera her lenger. Eg har vore foran denna datmaskina for lenge no utan å gjera noko serleg produktivt. I morgon har eg lyst til å reisa til Vestnes til kompis, og ikkje skriva. No snakkar ein type tysk i telefonen sin på datarommet. Eg vil prata tysk med han.

17.4.03

HÅH! Det byrjer å sjå lyst ut! Eg har laga disposisjon. Det kjennes bra. Heldigvis skal eg halde alle som skulle kome på å lese hjertemari.blogspot.com oppdatert i oppgåveprogresjonen min. Håhåh. Men no skal eg nett heim ein tur og ete litt. Det er fint å bu so nære universitetet!
Eg forsøker kome i gong med Modul2-oppgåva mi. Igjen. Vonleg vil eg klare å få nok ord (3200) denne gongen, og faktisk stå. Det ville vore fantastisk og tusen tunge steinar ville falla frå brystet, eit bryst i dag pryda av eit vakkert bleikrosa perlesmykke. Mellom frokosten (i senga med musikk til) og lesing, berre avbroten av ei lita stund sying, dusja eg og tok krøllrullar i håret. Etter tre timar fekk eg ein nydeleg sveis, og eg er litt frustrert over at ingen faktisk får sjå den fine sveisen i dag, berre Gunvar, den nye i kollektivet, og datamaskinene på Gløshaugen.

Eg skriv lange setningar, og innser at den aukte kjennskapen til tysk syntaks (setningsoppbyggjing, for dei uinnvia) min har byrja å prege den skriftlege norsken min. Er det bra? Det lover i alle høve godt for eksamenen eg har i november at eg kan sjå på alle sjølvstendige og mindre sjølvstendige ledd i dei lange setningane og vite kva funksjon dei har i eit syntaksanalytisk utgongspunkt. Hah.

15.4.03

Vener og kjende! Det går trått med blågging for tida. Eg kan meddele dykk at det går trått med ganske mykje for tida, utanom å drikke og bruke opp pengar (det siste ofte ein naudsynt konsekvens av det fyrste).
Utanom at bandet mitt har hatt konsert og eg skal bli rockestjernehar eg ikkje so mykje å skriva, og no fekk eg nett ei melding om at me skal ha fest i kveld, so då må eg heim og pynta, for Leffa har bursdag og eg har kjøpt PARTY-KIT, ballongar, girlandar og fløyter. Ikkje hattar, diverre.

Snart skal eg byrje å skrive oppgåve att, då skal det sjå det vert oppdateringar! HOI!

14.3.03

Det er noko med desse pengane. Dei flyg som faen. Men det er ikkje so verst. Det er ISFIT i Trondheim, og det skjer mange feite ting. Det bur ei jente frå Tanzania på det ledige rommet heime, det er ganske kult. So var eg på Jaga i storsalen i går, skal kanskje eksplodera plast Blæst i dag. Det er dyrt men pytt. Øl er godt, det er fett å leva som student, og neste veke, NESTE VEKE; har meg og Sjur (i klassen) avtale om å bli flinke og gå på ALLE forelesningane.

Slik er det om dagen. Eg har vore på mammutsal, det var gøy, eg har lyst å kjøpe mange nye klede. Det våres, det våres, eg har byrja å sykle att. No skal eg heim og ete, men ikkje fordi eg vil, fordi eg må. Eg er supermatlei. Men eg må. Det er dumt at Doktor Kosmos kjem til Bergen og Oslo men ikkje Trondheim.

Kven er Vemund som vil ha meg til å leike i bjerka?


No skal eg sykla heim, dumt at eg er kledd for soldag og ikkje kveld. Utan hanskar.

10.3.03

Eg gidd rett og slett ikkje. Eg lever, men eg orkar ikkje skriva. Eg ventar på meira inspirasjon. Men eg er lei for at eg ikkje gjorde noko til gebursdagen til Sjur, ikkje ein gong sendte melding. Orsak, kjære Sjur, det var fordi eg ikkje har pengar på kortet! Telukka på itteskot.

25.2.03

Rock!
Eg har ete ein pakke med kjeks. Eg vert nesten litt kvalm av det. Kanskje skal eg ha spinat til middag i dag.
Og jammen flyttar ikkje nokon ut av kollektivet mitt no igjen, so me skal ha meira visning. Snart.
I dag har eg vaska kjøkenet medan eg høyrde på KLEMeffemm. Det var dødsvittig med ROOOLIGE FAVORITTER KLEEEEEM EEF EEEEEEEEEEEEEEMMM.

18.2.03

I går skreiv eg ein nokså lang tekst her. Om bylarm, til dømes, som var dødsfett, og om senebetennelsen og diverse. Alt forsvann. Det gjer meg sint og lite motivert for meir blogging. Det er ikkje det at eg ikkje unnar alle å lese skrifter som eg har skrive, men eg klarar ikkje skrive mykje. Det går ikkje. Eg har så lita tid til alt, at kvar gong eg set meg for å lese, skrive, blogge - ja, bruke tankekraft - vert eg oppjaga på tanken på alt det eg IKKJE gjer. Som oversetjing, lese kasus, lese om substantiv, skrive referat, lese skodespel...

Så går eg heim for å gjere det, men så vert eg berre sjåande på tv eller øvande på gitar. Slik vert det.

10.2.03

Eg er so lei av at det ikkje står noko nytt på denne sida.
Ei senebetent kjensle som stikk til i høgre underarm kvar gong eg trykkjer ned ein tast gjer meg ikkje særleg nøgd.
Eg gidd ikkje skrive meir.

3.2.03

Det rykkjer i skjermen, dokumenta mine er forsvunne og det tek lang tid å gjere noko som helst på datamaskin. INNBROTSTJUVAR altså!

På bussen i dag (2,5 timar etter eg burde vore på bussen) køyrde me forbi eit busskur med reklameplakat for "Far from Heaven", årets mest kritikarroste film. Det stod det i alle fall på plakaten at filmen er. Men eg tykkjer kanskje ikkje det er det kulaste å skryta av - å vere årets mest eitellerannna - når det so vidt har blitt februar. Faktisk.

31.1.03

Eg skal lesa og lesa og skriva, tysk, tysk tysk, prata tysk, tenkja tysk, og i april neste år skal eg til Berlin og bli ven med Nina Hagen, og det skal bli absolutt FANTASTISCH!!!!!

30.1.03

Lite blogging, men mykje action.
Faktisk det særaste eg har vore ute for.Det gjekk føre seg måndag kveld, då eg var heime og såg tv. Nrk og TV2-nyhenda såg eg, den eine flatmaten & kjærast hadde nett gått, klokka var 21, og eg såg nyhende. Eg trudde Erik, ein annan flatmate, var heime. Det gjekk nokon og pusla i gongen vår. Det er det ofte, så eg såg på tv utan å tenkje over det. Det høyrdes ut som nokon pusla inne på rommet mitt, men eg tenkte det var Erik som hengte opp klede. Klesstativet står rett utanfor rommet mitt nemleg.

Eg såg på nyhenda, og prøvde å konsentrere meg. Eg hugsar klokka ned i hjørnet på skjermen skifta frå 21:08 til 21:09. Eg såg nokre minutt til med Palestina-nytt, so gjekk eg ut for å rydde rommet. Nedst i gongen stod ein framand gut. Han såg ung og litt kjip ut, og hadde regnjakke. Eg sa hallo, kan eg hjelpa deg med noko, skal du besøka nokon? Han svara at han budde i etasjen under meg, og at badet deira ikkje verka. Eg tenkte han var ein kjip nabo, og trudde kanskje han hadde snakka med Erik. Så gjekk han, og eg gjekk for å rydde rommet.

Rommet mitt var ROTETE, ordentleg rotete, men eg sette på Blondie og rocka medan eg rydda. Det var litt rart, for nokre av greiene på golvet låg rart til, og det låg greier på golvet som eg trudde var i skuffer, og veska mi hadde dåtte ned frå senga og alt innhaldet låg strødd. Men eg rydda og var glad. Etter nokre timar, kanskje to?, kom Bjørn heim. Då fortalde eg om den merkelege hendinga med guten i gongen. Då gjekk Bjørn, litt kjappare i tanken enn meg, og dessuten litt mindre godtruande, rett inn på rommet sitt. Og fann ut at det mangla pengar og minidisc. Og det gjorde det på mitt rom og.

So altså - ein kid på omlag 17, har, medan eg såg nyhende om Palestina og Irak og gremma meg over alt vondt i verda, sneke seg inn i husværet vårt, lista seg rundt på romma til meg og Bjørn, og stole hos oss. Og Og då eg kom på at eg kunne ha overraska han MEDAN han var på rommet mitt vart eg så redd at eg grein.
Og no har me vore og anmeldt det heile, eg har skrive forklaring og bladd gjennom bilete av unge menn i den rette alder. Det var psycho, og no føler eg nesten det er på tide med eit fortvila rop mot den forkvakla verda me lever i : KVA ER DET SOM FEILAR, NÅR KIDS GÅR INN I HUS DER FOLK ER HEIME OG STEL? KVA ER DET SOM SKJER FOR SVARTE FANDEN?

Dersom nokon på gata i Trondheim vert tilbudd å kjøpa ein Sony MZ-R 900 (som diverre ikkje verkar heilt alltid), og det er ein ung, usympatisk gut som vil selga den - kan de vere så grei å gje han ein på trynet då? Takk.

24.1.03

I går gjekk eg over torget, då ein telefonautomat ringte. Eg tok den, sjølvsagt.
-Hei
-(mannerøyst, austlandsk) Hei, kven pratar eg med?
-Eg berre tok ein telefon som ringte.
-Jaha. Eg sit på Blue Garden, og lurer på om du er interessert i å tene 1000 kroner?
-Du verden.
-Ja, eg er nett komen til Trondheim, og no sit eg på Blue Garden og lurer på kva eg skal ta meg til, så eg lurer på om du vil stikke nedom og drikke litt øl eller vin og så finne på noko?
-Nei, eg er diverre oppteken.
-Eg skal vere i Trondheim ein månad omlag, er du kanskje interessert i å finne på noko seinare?
-Nei, det er eg ikkje.

Så la eg på, og gjekk på kino.

14.1.03

Auf Deutsch! Hurra!
Eg kan henta studielån! Hurra!
Kollektivet skal på familieyoga i dag! Hurra!
Back in business: rotete rom heime, kaffipause på Dragvoll! Hurra!

6.1.03

Dette gler eg meg til. Nokon som er med?
Vaniljecola = død. Slik stod det skrive i ei melding eg fekk. Og eg tenkte "det kunne eg ha fortald deg allereie". Men slik er det. Ein kan fortelje og fortelje om kor dårleg vaniljecola er, (forresten, dersom nokon faktisk skulle vere ueinig og like VC, ver vennleg gje beskjed. Eg har enno til gode å møte nokon som gjer det) men eg vil tru at dei fleste som i utgongspunktet er interessert i å vite korleis vaniljecola smakar ikkje vil nøya seg med andre sine vitnesbyrd om den kvalmande væska, men gjerne vil prøve det sjølv.

Og coca cola veit det veldig godt. Dei synes sikkert sjølv at det smakar piss, men samstundes stolar dei på at folk er nyfikne nok til at dei kjem til å tene ein del på det. So heiter jo og reklamekampanjen "reward your curiosity". Berre at med vaniljecola vert ein ikkje nett lønna, snarare straffa for at ein er nyfiken nok til å ikkje ta andre sitt ord på kor dårleg vaniljecola er.


Medan eg skriv sette pappa på Sigur Ros nede i stova. Ikkje so verst musikksmak på den mannen.

5.1.03

I dag køyrde eg frå Bergen og heim med to venninner.
I Samnanger fekk bilen ein sladd i ein sving.
Eg rakk å tenkje veldig mykje. Fyrst tenkte eg på korleis ein front-mot-front-kollisjon ser ut. Så tenkte eg at det var satans bra det ikkje vart ein slik. Så tenkte eg på korleis bilen kom til å gli sidelengs inn i autovernet, og tenkte på korleis eg kunne bli slengt mot døra, eller korleis bilen kunne bulke seg inn mot meg, eller brase gjennom autovernet ned mot fjorden.

Men farten var ikkje stor, og ho fekk bilen på vegen att. Me køyrde inn til sida og stoppa ved eit busstopp. Det var ikkje farleg, bulka og forskyvd front, men ingen nakkar slengte, ingen fekk vondt.
Men fy faen. Det kunne vore gale.

3.1.03

Når eg les Anders sin kommentar til min førre post, vert eg litt flau over at eg sjølv gløymde å nemna Johnny Cash - "One". Og eg er, av HEILE MITT HJARTE einig med den godaste fuaren om den songen.

Og forresten. Dersom nokon skulle tykkje "får fram musikalsk eigenart på ein storarta måte" er ein uklar formulering, so får dei senda eit elektrobrev. Jepp.

2.1.03

Å høyre band spele songar som ikkje er deira eigen får fram musikalsk eigenart på ein storarta måte. Motorpsycho som speler "California Dreaming", til dømes, eller "I cant forget", opprinneleg av Leonard Cohen spela av The Pixies. Det fins fleire framdragande døme.
For det nye året ynskjer eg at alle skal få det fint.

Eg vonar norske aviser og TV skal fløyme over av nynorsk, eg vonar at alle skuleelevar og andre innser kor viktig nynorsk faktisk er, og eg ynskjer at den politiske situasjonen i landet vert slik at Ragnar Hovland kan reise heim att. Eg ynskjer at USA ikkje skal lage krig berre avdi dei er nøydde til å syne sin jævla superiority for alle (og ikkje av nokon annan grunn heller.) På det litt meir personlege planet vonar eg at tysk grunnfag er så kjekt som eg tenkjer det skal verte, eg ynskjer meg eit rockeband og eg vonar eg skal vert dødsflink til å spele gitar. Eg ynskjer meg økonomisk kontroll.

Men ein skal jo ikkje vere storforlangande heller.

1.1.03

Happi ju jeeeee, happi ju jeeeee. Hovudet er tungt, føtene kalde men festen var strålande, hurra! Og alle gode ynskje for det nye året for alle.