Det er dei små tinga som ein gjerne ler mest av, inni seg. På busstoppet eller på veg heim, litt full om natta. Og so er det slike ting som ein vert heilt fantastisk glad av, nesten uten grunn. Ei ny bok, til dømes. Til dømes ei som heiter YODEL-AYY-EEE-OOOO og er eit geografisk& historisk verk som handlar om jodling. Berre jodling.

Det er verkeleg ei bok ein vert glad av å ha. Eg har so utruleg lyst til å læra meg å jodla! Er det nokon som veit kvar ein lærer slikt?

I det nye året har eg ikkje blågga noko som helst. Det er ikkje med vilje, i grunnen. DET BERRE VERT SLIK. Men det har vore kjekt. Eg har blitt kostymedame i SIT. Pass på, uttal det "essite", og ikkje "sitt". For "sitt" er noko heilt anna, og ikkje so kjekt i det heile.